Каныш кечылаште марий рӱдоланан шочмо кечыжым палемдена.
Йошкар-Олам тӱзатыме паша «Илышлан инфраструктур» нацпроектын «Оласе кумдыкым йӧнаным ыштымаш» федерал проект дене умбакыже шуйна, тидлан 89,2 миллион теҥгем ойыреныт. Тений тидын дене кылдалтше паша кум объектыште кая.
Рӱдӧ тӱвыра каныме паркат эше сылнырак лиеш: у коммуникацийым вераҥдыме, корнылам асфальтироватлыме да электротул ден утларак кумдыкым волгалтарыме.
Строитель уремыште йолын коштмо у корно ямде. Тошто асфальтшым кораҥдыме, электротулым келыштарыме, олымбалым, урным, вазон-влакым, саварым вераҥдыме, садер ден газон-влакым шындыме.
«Юбилейный» микрорайонышто «Автогородок» лӱман у проект куандара. Тудым 28-ше №-ан лицейын тунемшыже-влак илышыш шыҥдараш темленыт. Вашке тушто йолын коштмо зоно веле огыл, эше модыш формо дене кугорно правилым тунемаш йӧным почшо посна площадке лиеш.
Тӱҥжӧ – чыла нине сай вашталтыш-влак оласе калыкын темлымашыжлан да ойырен налмыштлан кӧра илышыш пурат .Тыге серен шке Телеграмм-каналыштыже регион вуйлатыше Юрий Зайцев.
Снимкыште: рӱдӧ каныме паркыште.
