Тверь олаште «Турист сувенир» IX всероссийский конкурсын общенациональный финалже эртен.
Финалыш Российын 68 регионжо да Беларусь гыч 785 сувенирым ойырен налыныт. Марий Эл гыч 12 сату темлалтын. Икмынярже сеҥыше семын палемдалтын. Мо дене вара кугешнен кертына? Йошкар-Олаште ыштен лукмо (ИП С.М.Васенина) «Тот самый ЙОШКИН» мармелад сувенир (кокла акше 200 гыч 550 теҥге марте) 1-ше верым налын.
Т.Евсеев лӱмеш калыкле тоштерын темлыме «Марий эпосын геройжо-влак» (VIP категорий (кокла ак – 3000 тенге наре) сувенирже тыгак икымше вер дене палемдатын.
Козьмодемьянскысе тоштер комплексын темлыме «Марий матрёшкыжо» (кокла акше – 200 гыч 500 тенге марте) «Этнографий сувенир» номинацийыште 2-шо верыш лектын.
Шернур сырзаводын сыр лавкыже «Туризмыште сырым ыштыме производствым интегрировалымылан» посна призым сеҥен налын.
Попечительский Советын Гран-приж дене Йошкар-Олана сувенир сатум ыштен лукшо эн сай ола семын палемдалтын.
С.Носова
Снимкыште: Марий Эл гыч финалыш мийыше-влак.
Фотом републикын Спорт да туризм министерствыжын лаштыкше гыч налме.
