16-17 августышто Медведево ипподромышто регион-влак кокласе «Йошка еш» III гастрономий фестиваль эрташ тӱҥалеш.
Еҥ-влаклан тушко логалаш йӧнан лийже манын, организатор-влак ончылгоч шоналтеныт. 9 гыч 20 шагат марте кажне шагатыште тушко автобус кошташ тӱҥалеш: Чарла кремль, В.И.Ленин лӱмеш площадь, Патриарший площадь (Турист-увер рӱдерын офисше), «Эссен» да «Zelen» ужалыме рӱдерласе парковко деч.
Тенийысе фестивальын темыже: «Вож да под». Фестивальын участникше, вес регионла гычат лийыт. А шеф-повар-влак Юл кундемысе калык-влакын кочкышыштым шке семын ямдылаш тӱҥалыт. Тыгак кочкышым ямдылыме мастер-класс-влак, тулото воктене этно-шоу, концерт эртат, фотозоно, итерактивный площадке-влак пашам ышташ, лотерейым эртараш тӱҥалыт. «Российын гастрономий картше» проект кышкарыште 10 наре кочкыш да йӱыш дене палдарышаш улыт.
Снимкыште: кодшо ийысе фестиваль годым
Светлана Носован фотожо.
