Марий калык кеч-могай йӱлам тичмаш кинде дене пелештыме дене эртара. «Кинде – сий да илыш вий», – так арам огыл калымутна ушештара. Пасу пашам мучашлымеке, акрет годсек «Угинде» пайремым эртарена, тушто лач киндым чапландарена. Покро кечын марий рӱдолаштына Ош Кугу Юмылан сай киндым шочыкташ, ончен-кушташ полшымыжлан тауштымо пайрем гӱжлыш. Тудым республикысе Марий тӱвыра рӱдер эсогыл регион-влак кӱкшытыштӧ эртарен. Программыже оҥай лийын: ялозанлык сатум ужалыме ярмиҥга, концерт, тӱрлӧ йӱла, модыш… Но эн оҥайже, очыни, «Марий кинде» конкурс лийын. Тынар тӱрлӧ рецепт дене ыштыме да кӱктен лукмо киндым ик верыште да шунен-шунен сийлыме сӱретым ужалтын огыл ыле! Конкурсыш республикысе тӱрлӧ район да Екатеринбург ола гыч 13 участник ушнен. Тидын нерген кумданрак материалым кугарнясе номерыште савыктена.
С.Носова
М.Скобелевын фотожо
