Кугу Отечественный сарыште сеҥымылан 80 ий теме вашеш Марий Элыште «Шарнымаш садым» шындат.
Акций тӱнямбал кӱкшытан да тений кудымшо гана эрта. Тудо стартым кечывалвелне налын.
Марий Элыште тений пушеҥгым тӱшкан шындаш 21 апрельыште икымше гана лекшаш улыт. Чылаже 500 тӱжем озымым шындаш палемдыме, Йошкар- Ола воктене гына – 300 тӱжемым. 6 майыште ты пашаш Куяр лесничествыште лекташ палемдыме. Тидын нерген Марий Элын Пӱртӱс поянлык, экологий да йырым-йырысе средам аралыме шотышто министерствын пресс-службыжо увертара.
Акцийыш ушнаш кумылан-влак 18 апрель марте mariles-vost@yandex.ru электрон адресыш возен колтышаш улыт. Лекше йодышым тудын координатор Александра Ивановна Гнутова гоч 8(8362)42-06-31, 89371177365 телефон дене рашемдаш лиеш.
Светлана Носова
Снимкыште: кугу чодыра изи пушеҥге гыч тӱҥалеш.
Авторын фотожо.
