Марий Элыш «Август» ТВ Студийын съемко тӱшкаже толеш.
Тудо «Россия – Культура» телеканалын йодмыж почеш Российысе калык-влак нерген «Земля людей» фильм-влак циклым ямдыла. Тидын дене кылдалтше проектын творческий коллективше 2023 ийыште «Гордость нации» вероссийский общественный премийын лауреатше лийын.
Марий Эл – калык йӱлам арален да вияҥден толшо ойыртемалтше этнографий регион. Республикысе кучемын полшымыж дене олык ден курыкмарий-влак нерген фильмым войзаш толшо-шамыч Волжский, Курыкмарий, Звенигово, Морко, У Торъял, Шернур ден Советский районлаште лийыт.
Марий кумалтыш йӱла поснак ӧрыктарыше.
Светлана Носован фотожо
