25 июльышто Йошкар-Олаште «Тӱнямбал калык-влакын боевой искусствыштын традиционный видше-шамыч да физический чулымлык модмаш» всероссийский таҥасымаш почылтеш.
Тушко 270 наре участникым вучат. Спортын 17 видыштыже (айкидо, кендо, муайтай, масс-рестлинг, руш лапта, фиджитал да молат) вийыштым тергаш тӱналыт. Таҥасымаш-влак «Марий Эл» ий полатыште, «Молодёжный» стадионышто эртат.
Марий Элын спорт да туризм министрже Лидия Батюкован шке соцлаштыкыштыже увертарымыж почеш, модмашке Российыште веле огыл чапланыше спортсмен Олег Тактаров толшаш. Тудо участник-шамычлан 27 июльышто «Марий Эл» ий полатыште 12 шагатлан мастер-классым ончыкташ тӱҥалеш. Лӱмлӧ спортсмен деч каҥашым налаш да мастарлыклан тунемаш кумылан-влакым тушко вучат.
С.Носова
Снимкыште: Олег Тактаров
Фотом Л.Батюкован соцкыл лаштыкше гыч налме
