Колледж ден техникумлаште туныктышо-влак «Идалыкын мастерже-2026» чап лӱм верч таҥасат.
Республикыштына Россий кӱкшытан профессионал мастарлык конкурсын регионысо йыжыҥже тений 6-шо гана эрта. Тушто тений марте кыдалаш профессионал образованийым пуышо организацийлаште пашам ыштыше 200 утла педагог паша опытшо дене палдарен, туныктымо мастарлыкшым ончыктен.
Тенийысе конкурсышто 36 педагог – производство тунеммашын мастерже ден спецдисциплиным туныктышо-влак – таҥаса. Кок заданий деч вара 10 финалистым ойырат. Нунын коклаште сеҥыше Марий Элын чапшым Россий кӱкшытыштӧ арала.
Конкурсын финалже тений сентябрь-октябрь тылзылаште Ямало-Ненецкий автономный округышто лиеш.
Г.Кожевникова
Фотом Марий Элын СПО-жо соцкылысе лаштык гыч налме.
