Йошкар-Оласе депутат-влак погынымашын пунчалже почеш, марий рӱдолаштына кок оралтын пырдыжешышт калык ончылно суапым ыштыше лӱмлӧ еҥ-влаклан шарнымаш оҥам пижыктат.
Иктыже Йошкар-Оласе 14-ше номеран школышто Валентин Петрович Ишалевлан лиеш. Тудо кудло ий учрежденийын директоржылан ыштен да сай пашажлан «РСФСР школын сулло туныктышыжо» чап лӱм дене палемдалтын. Тӱрлӧ кӱкшытышто депутатлан сайлалтын: районысо гыч гыч тӱҥалын, МАССР Верховный Советын марте, образований пашаеҥ-влакын профсоюз горкомжын президиумжын еҥже лийын.
«Марбиофарм» ОАО-н оралте пырдыжыштыже (Карл Маркс уремысе 121-ше №-ан пӧрт) Василий Федорович Болотнов лӱмеш шарнымаш оҥа кечаш тӱҥалеш. 43 ий ты предприятийым вуйлатен, фронтовик, СССР-ын изобретательже.
С.НОСОВА
