Марий Элыште общеобразовательный организацийлам тунем пытарыше-влакын Иктешлыше кугыжаныш экзаменын тӱҥ ужашыже тӱҥалын. Эртыше кугарнян ӱдыр-рвезе-влак 16 пунктышто географий, химий да литератур дене шинчымашым тергеныт.
Экзамен-влак шке радамышт дене эртеныт, правилым пудыртымаш лийын огыл.
Географий дене шинчымашым ончыкташ кум шагат пуалтын, химий дене – кум шагатат пеле, а литератур дене – кум шагат да 55 минут.
Ты кечын Марий Эл образований да науко министр Лариса Ревуцкая Йошкар-Оласе 14-ше №-ан лицейын выпускникше-влаклан сеҥымашым тыланен.
Г.Кожевникова
Фотом Марий Эл Образований да науко министерствын сайтше гыч налме
