Саранскыште Лидерстве национальный школ эрта.
Тудын участникше-влак – Российысе 26 субъектысе финн-угор тӱшкаш пурышо 200 утла талантан самырык еҥ, нунын коклаште – Марий Эл гыч делегаций.
Мероприятийым Россий Федерацийысе Финн-угор калык-влакын ассоциацийышт Национальность шотышто федеральный агентстве полшымо дене эртара. Школыш чумыргышо-влаклан пленарный заседаний, тренинг, калык-влак кокласе кылсфере дене кылдалтше йодышлан пӧлеклалтше семинар, эксперт-влак дене вашлиймаш, тӱвырам вияҥдаш ИТ-технологий дене пайдаланыме дене кылдалтше тунеммаш эртаралтыт.
Г.Кожевникова
М.Алгайкинын фотожо
