Марий Элыште тений 26 декабрь гыч 2023 ий 8 январь марте посна противопожарный режим увертаралтын. Тудын дене келшышын, тиде жапыште фейерверкым колташ чарыме.
Тыгай решенийым Марий Эл вуйлатышын правительствын еҥже ден муниципал район вуйлатыше-влак дене эртарыме совещанийыште лукмо.
Тиде режим У ий да Рошто пайремла жапыште еҥ-влаклан лӱдыкшыдымым ышташ виктаралтын. Тудым правительстве председательын алмаштышыже Степан Воронцов 26 декабрь гыч пурташ темлен. Юрий Зайцев ты темлымашым сайлан шотлен.
8 январь марте фейерверкым веле огыл, тыгак салютым, петардым еҥ-влакын каныме, общественный питаний, тӱвыра, калык шуко погынымо моло верлаште колташ чаралтеш.
Л.Камалетдинова
