25 августышто Марий Элыште «Еш поянлыкым пеҥгыдемдымаш – Российын вияҥме корныжо» («Укрепление семейных ценностей – стратегия развития России») регион-влак кокласе еш форум эрта.
Форумым Марий Эл правительствын полшымыж да Единый Россий партийын «Пеҥгыде еш» проектше дене келшышын «Ача-ава-влакын палатышт» («Родительская палата») ушем чумыра. Форумышто тыгай тӱҥ йодыш-влакым каҥашаш тӱҥалыт: еш да йоча пагыт – регионышто духовный, нравственный, социальный задаче-влак; инклюзив среда – таза обществе; образований – вияҥмаште мо эн кӱлешан: йочасад деч профессиональный образований марте; деструктивный контент – еш да йоча-влак шотышто профилактике да нуным аралымаш; ешын эрыкше – коклаш пурыман але ешым аралыман.
Нине йодыш-влакым нӧлталме годым дискуссий площадкылаште Кугыжаныш Думын, Федераций Советын, РФ Общественный палатын, «Родительская палата» ушемын экспертше-влак, еш дене кылдалтше региональный ушемын еҥже-влак шке шонымашыштым ойлаш тӱҥалыт.
Форум 25 августышто Я.Эшпай лӱмеш Марий кугыжаныш филармонийын полатыште лиеш, регистраций 9 шагатат 15 минутлан тӱҥалеш. Чыла йодышым 89600970073 телефон але veg-06@mail.ru электрон почто гоч рашемден кертыда.
Л.СЕМЕНОВА ямдылен
