«Ончыкылык цифровой технологий»
7 июльышто Йылмым, литературым да историйым научнын шымлыше В.М.Васильев лӱмеш институтышто «Ончыкылык цифровой технологий» научно-практический семинар лиеш.
Тудо институтын вӱдышӧ научный пашаеҥже, «РУВИКИ» интернет-энциклопедийын йылме лончыжын пашажым виктарыше пӧлкажым Андрей Чемышевын вуйлатымыж почеш эрта.
Тиде семинар – Российысе калык-влакын йылмыштым тунеммашке, нуным арален вияҥдымашке цифр технологийым шыҥдарыме дене кылдалтше жаплан келшыше йодыш-влакым каҥашыме площадке. Чыла тидым ышташ да сай лектышыш шуаш манын, учёный, национальный сообществе, IT-специалист да кугыжаныш структурлаште тыршыше-влакым пырля пашам ыштышаш улыт.
Мероприятийыште Россий калык-влакын йылмыштым вияҥдыме областьыште Яндекс сервисын да GigaChat технологийын йӧнжӧ-влак, тыгак нейросетьын куатше дене палдарат. Шымлызе, йылмызе, тӱп калык-влакын представительыштлан тӱвыра поянлыкым аралымаште кызытсе технологийым кучылтмылан тӱткышым ойырымын кулешлыкше нерген каласкалат.
Семинар 11.00 шагатлан тӱҥалеш.
Г.Кожевникова
