ОБРАЗОВАНИЙ ШИНЧЫМАШ КУГОРНЫШТО

Экзаменыште – ончыкылык профессионал

Республикысе кыдалаш профессионал образованийым пуышо организацийлаште иктешлыше кугыжаныш аттестаций кышкарыште Ворлдскилс стандарт почеш демонстраций экзамен-влак эртат.

Ончылгоч шотлымо почеш, тыгай тергымаш тений 1100 утла самырык еҥым авалта. Демонстраций экзамен-влакым эртараш профессионал образованийым пуышо организацийлаште 30 компетенций дене 38 рӱдерым почмо.

Тений апрель-майыште тыгай тергымаш чумыр налмаште ныл компетенций («Фармацевтике», Лабораторный медицине анализ», «Электромонтаж», Бухгалтерский учёт») дене 38 студент эртен.

6 июньышто Советский районысо Вечын селасе Аграрно-строительный техникумыштат шокшо «тургым» тӱҥалын. Тиде кечын тушто «»Ялозанлык машина-влак дене пашам ыштен моштымаш», «Легковой автомобильым олмыктымаш да обслуживатлымаш» компетенцийла дене экзамен-шамыч эртат.

Йошкар-Оласе строительный техникумышто ӱдыр-рвезе-влак «Кермычым оптымаш», «Сантехнике да отоплений», «Бухгалтерский учёт», Торгово-технологический колледжыште «Повар паша» компетенцийла дене моштымашым ончыктат.

Тыгак тиде кечылаште Марий чодыра озанлык техникумышто «Ландшафт дизайн», а Йошкар-Оласе аграрный колледжыште «Легковой автомобильым олмыктымаш да обслуживатлымаш» компетенцийла дене демонстраций экзамен-шамыч стартым налыныт.

Тыгай йӧн дене иктешлыше кугыжаныш аттестацийым эртыше ӱдыр-рвезе-влак кыдалаш профессионал образований нерген дипломым гына огыл, тыгак компетенций паспортым (Skills Pasport) налыт. Кокымшо документ паша рынкыште выпускниклан сай пашаверым муаш йӧным ышта.

Фотом Марий Эл Образований да науко министерстве гыч налме.

 

Опубликовать в Одноклассники

Добавить комментарий