ОБРАЗОВАНИЙ УВЕР ЙОГЫН ШИНЧЫМАШ КУГОРНЫШТО

Экономикын йодмашыже могай – пашазе тугай лийшаш

Марий Эл образований системыште пашам ыштыше-влакын тиде кечылаште эртыше Августысо форумын кышкарыштыже республикын Ондакак профессионально ямдылыме рӱдерыштыже «Кыдалаш профессионал образованийым пуышо тӧнеж-влакын экономикын йодмашыжлан келшыше специалистым ямдылымаште паша верым пуышо организацийла дене вашкылышт»  эксперт площадке пашам ыштен.

Тушто спикер-эксперт семын исполнительный кучем орган-влакын представительышт, ик эн ончыл тунемме верлам да предприятийлам вуйлатыше-шамыч лийыныт.

Погынышо-влак Марий Эл экономикын ик эн тӱҥлан шотлалтше отрасльже-шамычлан кадрым ямдылыме пашаште пытартыш жапыште вашлиялтше  неле йодышлам да нуным решатлымым каҥашеныт, кыдалаш профессионал образований системын инфраструктуржын йӧнжӧ нерген ойленыт.

Республикысе кыдалаш профессионал образованийым пуышо тӧнеж дене предприятийла коклаште вашкыл вияҥже манын, 2022-2023 ийлаште тыгай пашам палемдыме:

– чоҥымаш, промышленность да увер технологий сферылаште тунемме-производство кластерым ышташ;

– кыдалаш профессионал образований системыште целевой туныктымашым да наставничествым вияҥдаш;

– тунемме программым илышыш пуртымо пашаш предприятийла гыч специалист-влакым шукырак ушаш;

– профессионально ямдылыме программым паша верым пуышо-влакын йодмашыштлан келыштараш;

– школлаште профориентаций пашам пырля эртарымым кумдаҥдаш, самырык тукымым пашазе профессийлан кумылаҥдымым вияҥдаш;

–профессионал образованийым налме верысе студент-шамычым предприятийла дене пырля ыштыме проект пашаш ушаш;

– предприятийлаште практикым эртарыме ужашым кугемдаш;

–  профилян предприятийлаште стажировкым эртыше туныктышо-влакын чотыштым кугемдаш;

– предприятий ден организаций-влаклан регионысо экономикын ик эн ончыл направленийлаж дене  «Профессионалитет» проектыш ушнымо шотышто йодышым ончаш.

Ушештарена, Россий Федерераций президент Владимир Путинын кӱштымашыже почеш, тений гыч 2 октябрь Кыдалаш профессионал образованийын кечыже семын палемдалташ тӱҥалеш. Тыгак 2022 ий гыч элна мучко «Профессионалитет» проектым илышыш пурташ тӱҥалме, тудын тӱн шонымашыже – экономикын реальный секторжылн йодмашыжлан келшыше специалист-влакым у модель почеш ямдылымаш. Тений 1 сентябрь гыч Российын 42 регионыштыжо ончыкылык профессионал-шамычым ямдылыше 70 кластер пашам ышташ тӱҥалеш, 2024 ийлан – 210.

Г.Кожевникова

Фотом Марий Эл Образований да науко министерстве гыч налме

 

  

Опубликовать в Одноклассники

Добавить комментарий