Йошкар-Оласе Строитель уремыште тротуарыш асфальтым шарат. Тиде пашам 3-шо номеран пӧрт деч тӱҥалын Прохоров урем марте шуктат. Участкын кужытшо – 640 метр.
Тылеч посна уремым волгалтарат, у теҥгыл-влакым вераҥдат, кленым шындат. Пашам июль мучаш марте пытарышаш улыт.
Кумдык «Илышлан кӱлешан инфраструктур» нацпроект да «Единый Россий» партийын Калык программыж дене келшышын тӱзаталтеш.
Любовь Камалетдинова
