Марий Эл правительствыште Антинаркотический комиссийын черетан заседанийже лийын.
Тушто Россий Федерацийын 2030 ий марте жаплан Кугыжаныш антинаркотический политике стратегийжым республик кумдыкышто кузе шуктымо нерген мутланеныт. Марий Эл вуйлатыше Юрий Зайцевын кӱштымыж почеш наркотик дене пайдаланымым тӱҥалтыш жапыштак пален налме, тудым шаркалыме дене кылдалтше преступлений ден правонарушенийым шагалемдыме шотышто профилактике мерым вияҥдыме.
Тыгак заседанийыште «психологий-наркологий» профиль дене еҥ-влаклан наркологический полышым пуымо нерген мутланеныт. А 2022 ийыште республикыште, мутлан, наркологий черан 102 у еҥым пален налме.
Тидын дене пырля заседанийыште УФСИН-ын уголовно-исполнительный системыжын учрежденийлаштыже шинчыше тыгай черан еҥ-шамычым эмлыме да эскерыме йодышым каҥашеныт.
Марий Эл Республикым вуйлатышын администрацийжын информаций паша пӧлкажын уверже негызеш Л.Камалетдинова ямдылен
