Марий Элын кандашымше созыв Кугыжаныш Погынышкыжо депутат-влакым сайлышашлан 1 миллионат 49 тӱжем 600 избирательный бюллетеньым печатленыт.
Типографийыште кажне бюллетеньыш фоновый аралыме тангирный манме сеткым: ужар тӱсаным республиканский избирательный округышто, кына (розовый) ик мандатан избирательный округышто – йӱклышашлан. Пӱтынь тиражым пачкылашке оптеныт да печатьым шынденыт. А могай пластине гыч печать шындалтын, нуным пытареныт.
Тиде шергакан грузым республикысе окружной избирательный комиссийлашке колтышашлан ямдыленыт.
28 август гыч участковый комиссий-влакын еҥышт кажне экземплярыш подписьым да УИК-ын печатьшым шындат.
Бюллетеньлаште тушто мом кузе палемдышашым рушла да олык ден курыкмарла умылтарен возымо.
Любовь Камалетдинова
Ирга Козлован фотожо
