Роспотребнадзорын Марий Элысе виктемышкыже Воронеж областьысе коллеге-влак деч увер пурен: Смоленск областьыште «МастерСыр» ООО-н (адресше: Воронеж область, Рамонский район, Щучье села, Ленин урем, 1-ше пӧрт) ямдылыме «Российский» лӱман шояк сырже ужалалтеш.
Тиде фактым шымлыме годым теве мо рашемын: сыр пеленсе документыште да декларацийыште шояк адресым ончыктымо, молан манаш гын Воронеж областьысе Рамонский районышто Щучье села уке. «МастерСыр» ООО тиде адрес дене пашам ок ыште. Весымат пеҥгыдемдыме: Эртильский да Лискинский районлаште верланыше Щучье селалаштат тыгай предприятий уке.
Тылеч посна, ЕРП-н данныйже почеш, «МастерСыр» ООО-м 2016 ий 5 декабрьыште петырыме.
М.ИВАНОВА.
