19 майыште Марий Элыште «Эн сай школ столовый-2023», «Школ столовыйн эн уста поварже» Россий кӱкшытан конкурс-влакын регионысо турыштым иктешлыме. Оласе кочмывер коклаште сеҥышыш Бауман лицей лектын, а ялыште верланыше-влак коклаште эн сайлан Кужэҥер район Руш Шой кыдалаш школын столовыйжым шотлымо.
Чылаже тиде конкурсыш республикын 13 школжо ушнен. Жюрин еҥже-влак йоча-шамычым пукшымо кочкышын технологий картыжым, фото да видеоматериалым тӱткын онченыт.
Конкурсын «Кулинар баттл» очно эртаралтше этапыш Кужэҥер, Медведево районла, Йошкар-Ола гыч 4 повар лектын. Нуно Йошкар-Оласе торгово-технологический колледжыште усталыкым ончыктеныт: шагатат пеле жапыште кажныже шыл да пакчасаска гыч кок порций гыч кочкышым ямдыленыт да чапыштым волтен огытыл, мӧҥгешла, профессионал улмыштым эше ик гана пеҥгыдемденыт. Но эн мастар семын Бауман лицейын поварже Светлана Пукемовам палемдыме.
Конкурсышто сеҥыше-влак мемнан республикым Россий кӱкшытыштӧ аралаш тӱҥалыт.
Г.Кожевникова
Фотом Марий Эл Образований да науко министерствын сайтше гыч налме
