Тений 8 тылзе жапыште Марий Элыште спиртан йӱыш дене 132 еҥ аярланен.
Нунын кокла гыч 61 еҥ илыш дене чеверласен! Тидын нерген республикысе эпидемиолог-влак увертареныт. Мо ойгандара: кочывӱдым йӱмылан кӧра илыш дене чеверласыме случайже пытартыш ийласе кокла показатель деч 18,5 процентлан кушкын. Эн шукын (46) Йошкар-Олаште, Шернур округышто (22) да Медведево районышто (13) аярланеныт. 110 еҥ этанолан да 13 еҥ метил спиртан, ик еҥ пропанолан йӱыш дене туткарыш логалыныт. Латик еҥын могай кочывӱд дене аяргымыштым рашемден кертме огыл.
