🎭🎨 «Театральное Приволжьелан» афише конкурс: ПФО-н самырык дизайнерже-влакым фестивальын визуалжым ышташ ӱжыт.
22 февраль марте «Театральное Приволжье» фестивальлан афише ден плакатым ыштыме конкурсыш йодмашым пуаш лиеш. Тушто Юл кундем федерал округысо регионлаште илыше 6 гыч 30 ияш марте еҥ-влак участвоватлен кертыт.
Участник-влаклан ямдылаш темлат:
🔸Финалыш логалше спектакльлан афишым
🔸Пӱтынь фестивальын идейжым почын пуышо плакатым.
Эн сай паша-влакым округысо самырык-влакын тӱҥ театр событийыштым ончыкташлан кучылташ тӱҥалыт. Конкурсым 27 мартыште иктешлат.
