Советский район Роҥго школын 8-ше да 10-шо классыштыже тунемше-влак тиде кундемыштак верланыше Вечын школыш мастер-классыш миеныт.
Йоча-шамычын тӱҥ задачышт – специальный военный операцийыште улшо-влаклан «Кикимора» нашлемникым пидаш тунемаш. Тидын шотышто мастер-классым нунылан Вечын школ директорын алмаштышыже Светлана Мельникова ончыктен, чылажымат радам дене умылтарен. Тыгодымак тудо ӱдыр-рвезе-шамычлан маскировко нашлемникын кӱлешлыкше нерген каласкален. Йоча-влак дене пырля мийыше, Роҥго школ директорын воспитаний паша шотышто алмаштышыже Наталия Шабалина палемден: Куштылго огыл жапыште мемнан салтак-влаклан полшен кертына манын шонена. Ме моткоч кӱлешанлан тунемынна. Лишыл жапыште меат школыштына маскировко нашлемникым пидаш тӱҥалына, тидлан моло тунемшына-шамычым туныктена».
Г.Кожевникова
Фотом районысо образований пӧлкан сайтше гыч налме
