Шернур районышто шочын-кушшо марий рвезе, режиссёр Денис Шаблий «ШОРТЫ» тӱнямбал эрыкан кучык фильм фестивальын ик сеҥышыже семын палемдалтын.
Организатор-влакын увертарымышт почеш, тушто участвоватлаш Российын 45 регионжо да 9 эл гыч йодмаш пурен. Сеҥыше-влакым шукерте огыл палемденыт.
Фестивльыш Денис «Обсерватор» фильмже дене лектын. Тачысе жаплан келшыше кӱчык метражан фильм. Пандемий тӱҥалмеке, самырык ӱдыр Европа гыч мӧҥгӧ велыш портылеш да айлыме пачерыштыже тудым пачерын озаже карантиныш петырен шында. А озаже – внешний разведке службын офицерже. Палемден кодыман, кинофильмлан войзымо трейлерлан ончышо-влак эн шуко йӱкым пуэныт. Тидыжак Денислан «трейлер» номинацийыште сеҥышыш лекташ полшен.
А шукерте огыл Денис Шаблийын Роскультцентрын эртарыме национальный молодёжный кинопремий фестивальыштыже тиде фильмжак «Сматрфоныш войзымо эн сай фильм» номинацийыште палемдалтын ыле. Торжественный церемонийже Москваште эртен. Тушко 71 регион гыч 430 йодмаш пурен. Сеҥыше-влакым вич номинацийыште ойыреныт.
Снимкыште: Д.Шаблий.
С.НОСОВА
