Ростуризм ӱмашсе семынак каныме да тазалыкым пеҥгыдемдыме йоча лагерьлаш путёвкым налаш 31 март гыч кешбэк программым илышыш пурта.
Специалист-влакын ойлымышт почеш, 2021 ийысе дене таҥастарымаште, тудын дене тений шукырак ача-ава пайдаланен. Палемдыме программыш ушнышо йоча лагерь-влак 90 процентлан темыныт. Тидын деч посна, шукырак икшыве-шамычлан канаш йӧн лийже манын, тушко палаткан лагерь-влакымат пуртеныт.
Каласыман, программын механизмже ончычсо гаяк: кешбэк – путёвкын пел акше, но 20 тӱжем теҥге деч шуко огыл.
Г.Кожевникова
