УВЕР ЙОГЫН

Визытым – иктышке

Россий Социальный фондын Марий Элысе пӧлкаже 17 ияш марте ийготан 890 йочалан единый пособийым тӱлаш палемден.

10 январь марте у выплатлан чылаже 5353 йодмаш пурен. Нуным эртыше ий 28 декабрь гыч Кугыжаныш услуго портал гоч налаш тӱҥалме.

Социальный фондын пӧлкаже пурышо йодмаш-влакым 3 январь гыч ончаш тӱҥалын да 10 январь йотке выплатым 17 ияш марте ийготан 890 йочалан, тыгак мӱшкыран 18 ӱдырамашлан палемден. Единый пособийым тӱлаш палемдыме жап дене келшышын, еш-влак выплатым тиде арнян налын шуктышаш улыт.

Январьын икымше кечылаштыже Социальный фонд тыгак ешлаште эртыше идалык мучаште шочшо икымше 20 йочалан 3 ийым темымешкышт выплатым палемден. Ынде тыгай ӱдыр-рвезе-влаклан выплате единый пособийыш пура да у правил-шамыч почеш оформитлалтеш. Тыгодымак, йоча 2023 ий марте шочын гын, ача-ава выплатым ончыч вийыште улшо йӧн дене налын кертыт – погым шотыш налде да ешыште ик еҥлан шотлымаште илен лекташ кӱлмӧ кок окса кугыт деч изи доход улмо годым.

Ушештарена: у пособий тӱнен илыше еш-влаклан палемдалтше тымарте вийыште лийше вич полыш мерым алмаштен. Тиде икымше ден кумшо йоча-влаклан 3 ийым темымешкышт тылзе еда тӱлыман кок выплат, 3 гыч 8 ияш марте ийготан да 8 гыч 17 ияш марте ийготан йоча-шамычлан тылзе еда тӱлыман кок выплат, тыгак мӱшкыран улмо шотышто тылзе еда тӱлыман выплат.

Тыгодым йоча ден ача-ава-влак россий гражданин лийшаш да эреак Российыште илышаш улыт. Выплатым палемдыме годым ешын тичмаш доходшо ден погыжо, тыгак ача-аван пашам ыштымышт але ыштыдымышт шотыш налалтыт.

М.ИВАНОВА

Опубликовать в Одноклассники

Добавить комментарий