17 февраль гыч 23 февраль марте Самырык сайлышын арняже эртен.
Тидым шотыш налын, тушко Йошкар-Оласе медицине колледжын 100 утла студентше ушненыт. Марий Элын Молодежный избирательный комиссийжын (МИК) председательже Мария Максимова погынышо-влаклан самырык-влакын сайлымашке ушнымын рольжо, тидым ышташ кӱлмӧ, моло нерген каласкален. ЦИК пашаеҥ Марат Газизоват тидымак палемден да «Сайлымаш нерген терминым ойырен нал» интерактивный модышым эртарен.
Тиде кечынак Марий радиомеханический техникумышто шинчымашым погышо-шамычат ты мероприятийыш ушненыт. Республикысе ЦИК-ын вес пашаеҥже, Мария Микка, сайлымаш права, сайлымаш системе, моло умылымаш-влак дене палдарен. Тунемше-влак тудлан тургыжландарыше ятыр йодышым пуэныт. Молодежный избирательный комиссийын еҥже-влак погынышо-шамычлан сайлымашке ушнаш кӱлмым палемденыт.
18 февральыште, Йошкар-Оласе технологический колледжын студентше-шамыч дене вашлийыныт. Туштат ӱдыр-рвезе-влаклан сайлымаш, тудын кӱлешлыкше, йӱклымаш эртыме радам, моло нерген каласкаленыт.
Л.КАМАЛЕТДИНОВА
