«Герои Марий эл. Талешке-влак» программын участникше-влаклан профессиональный переподготовкым эртыме нерген дипломым кучыктеныт.
Программыш ушнышо-шамыч тунемме жапыште лекцийлам колыштыныт, практике занятийлаш ушненыт, наставник-влак дене стажировкым эртеныт. Чылаже тунемме программе 502 шагат лийын.
Ынде СВО-н ветеранже-влак налме шинчымашыштым Марий Элым да уло элнам тӱзатымашке кучылташ ямде улыт. Регион вуйлатыше Юрий Зайцевын мутшо почеш, 7 выпускник ответственный должностьышто тырша.
– Геройна-влакым тиде кӱлешан этап дене саламлем! Нунылан сеҥымашым, вийым да ответственный пашаште кумылын тыршаш тыланем. Наставник, туныктышо да геройна-влаклан, ты корнышто полшышо-шамычлан чылаштланат тауштем, – палдарен Юрий Зайцев.
Кадр программе Россий Президент Владимир Путинын тӱҥалтышыж почеш илышыш шыҥдаралтеш.
