Йылмым, сылнымутым да историйым шымлыше В.М.Васильев лӱмеш Марий институтлан 4 августышто 95 ий темеш.
Тидын лӱмеш «Марий кундемын икымше шанче учрежденийже» ончерым чумырымо. Тудо Республикын да Пресвятой Дева Мариян площадьыштыже ты кечын 11 шагатлан почылтеш. Ончер институтын эртыме корныжо, сеҥымашыже да Марий Элын, тыгак Российын тӱвыраж ден наукышкыжо пыштыме надырже дене палдара. Тушко архив документла гыч копийым, шанчыеҥ-влакын фотографийыштым, регионын научный пашажым ворандарен колташ полшышо шанче школ ден исторический событий-влак нерген материалым ужаш лиеш.
