2025 ийыште Йошкар-Оласе медицине колледжын дипломжым 282 выпускниклан кучыктымо.
Палемдыме чот гыч 152 еҥ «Сестринский паша», 53 еҥ «Фармаций», 42 еҥ «Эмлыме паша», 17 еҥ «Акушер паша», 18 еҥ «Лабораторный диагностике» специальностьла дене дипломым налыныт.
Марий Эл Тазалык аралтыш министерствын палдарымыж почеш, медсестра ден фармацевт-влакын иктешлыше аттестацийыштын кокла баллышт 4,5 лийын, акушерке-шамычын – 4,47, фельдшер-влакын – 4,76, лаборант-шамычын – 5.
Самырык специалист-влакым колледжым тунемын пытарыме дене тазалык аралтыш министрын алмаштышыже Татьяна Бастракова (снимкыште) саламлен да нуным регионысо медицине организацийлаште изин-кугун вучымо нерген ушештарен.
Маргарита Иванова.
Йошкар-Оласе медицине колледжын фотожо.
