Шорык
Тиде арнян пашам чот тыршен ыштеда гынат, кугу лектыш огеш палдырне. Туге гынат шӱдыр-влак икмыняр жап ончыч тӱҥалме сомылым нине кечылаште мучашлаш темлат. Тошто, кӱлдымӧ аврер ден ӱзгар-шамыч деч утледа гын, сайрак лиеш.
Презе
Лишыл жапыште мом ыштышашым кызыт палемдыман. У еҥ-шамыч дене палыме лийын, тыгак калык коклаште шкендам сай велым ончыктен кертыда. Тиде шотышто йолташда-влак чотак полшат. Кеч-кӧ денат умылыдымаш лектеш гын, ик ойыш шуаш тыршыман.
Йыгыр
Тиде арнян тендам йӧратыме еҥ дене пырля шуктымо чыла сомылат куандара. Кевытыште кугу сатум налме кумылдам чотак нӧлтал кертеш. Тазалыкым пеҥгыдемдаш кӱлмӧ нерген мондыман огыл. Туткарыш логалме деч шекланыман.
Рак
Кеч-мо шотыштат кызыт моло деч ончылно лиймыда шуаш тӱҥалеш. Жап да йӧн дене кӱлеш семын пайдаланеда гын, тиде арнян ятыр пашам ыштен шуктеда. А кумылда нӧлталтше лиеш гын, ала-могай кугу неле сомылат куштылгын шукталтеш.
Лев
Илышын чыла шӧрыныштыжат куанле жап вуча. Оксада ешаралтеш, очыни. Лишыл еҥ-шамыч иктаж-мо шотышто полшаш кумылым ончыктат гын, ида торешлане. Шкеат чолгарак лияш тыршыза. Ала-могай увер пашам утларак ворандарен колташ йӧным ышта.
Ӱдыр
Усталык шӱлышан еҥ-влаклан шке мастарлыкыштым ончыкташ келшыше жап шуэш. Каналташат уто огыл. У еҥ-влак дене палыме лийын кертыда. Аракам утыжым йӱаш огеш темлалт. Спорт дене пеҥгыде кылым кучаш тӱҥалман.
Виса
Чолгалыкым, чулымлыкым да пеҥгыдылыкым ончыктымыда дене тиде арнян лекше чыла нелылыкым сеҥеда. Иктаж кугу сатум налаш келшыше жап. Ӱдырамаш-шамычым оҥай вашлиймаш вуча. У кылым ыштеда гын, тудо пайдале лиеш.
Скорпион
Кызыт пӧртым чоҥаш, ешым чумыраш, эше иктаж-мом уым ышташ шонеда гын, ончыкыжым тудын ӱмыржӧ кужу лиеш. Тиде арнян ончылныда кеч-могай омса почылтеш. Тидын годым шкем тыматлын кучаш кӱлмӧ нерген гына мондыман огыл.
Пикшызе
Кызыт тыланда парымым пӧртылташда кӱлмӧ нерген ушештарен кертыт. Ончыч тӱҥалме пашам мучашлаш тыршыман. Иктаж-могай у проектыш ушнаш темлат гын, вигак кӧнаш ида вашке. Эн ончычак чылажымат сайын рашемдаш уто огыл.
Ирказа
Мом кунам да кузе ыштышашым ончылгоч палемдеда гын, лектыш огеш вучыкто. Йолташ-шамычын полышыштлан эҥертен кертыда. Но нуно чылажымат лачшымак тендан шонымо семын ыштат манын утыжым ида ӱшане, уке гын кумылда вола, очыни.
Вӱд йоктарыше
Тиде арнян чыла пашада ушнаш тӱҥалеш. Тыланда пӧлекым кучыктат, премийым пуат але иктаж-кушто иктаж-мом модын налыда. Кызыт у еҥ дене палыме лийыда гын, тиде кыл кужун шуйна. Сандене тыгай йӧн лиеш гын, шотыш налза.
Кол
Тендан илышыштыда ятыр вашталтыш лиеш, у йыжыҥ тӱҥалеш. Пеҥгыдылыкым ончыкташ ӧрмалгыман огыл. Тиде утларак шийвундым ыштен налаш йӧным пуа. У еҥ дене вучыдымын палыме лиймаш ончыкыжым изи огыл пайдам конден кертеш.
Ӱпым пӱчкаш тарваненда гын
4 март. Таче ӱпым пӱчман огыл, уке гын тазалык лунчырген кертеш. Ӱпым натуральный гай койшо шемалге тӱсыш гына чиялташ темлалтеш. Тыге те пашаште кугу кӱкшытыш шуыда.
5 март. Тиде кечын ӱпым пӱчкыда гын, тазалык нелылыкым луктын кертеш. Ӱпым чиялтымылан кӧра еҥ-шамыч дене вурседылмашке шумо лӱдыкшӧ уло.
6 март. Ӱпым пӱчмӧ депрессий марте шуктен кертеш. Ӱпым чиялташат огеш темлалт.
7 март. Ӱпым пӱчмӧ деч вара чонышто ласкалыкым шижыда. Ӱпым молгунамсе деч ойыртемалтше тӱсыш чиялтеда гын, тазалыкда пеҥгыдемеш, оксада ешаралтеш.
8 март. Ӱпым пӱчмеке, еҥ-влаклан утларак келшаш тӱҥалыда. Ӱпым чиялшташ келшыше кече огыл.
9 март. Таче ӱпым пӱчкашат, чиялташат огеш темлалт, уке гын вий-куатда иземын кертеш, окса шотышто чӱдылыкым шижыда.
10 март. Ӱпым ида пӱч, молан манаш гын иктаж-могай нелылык вашлиялт кертеш. Могай тӱс пиалым лишемдаш, шкан ӱшаным ешараш полшымыла чучеш, тугайыш гына чиялтыман.
Любовь Камалетдинова
