Шорык
Тиде арнян шке тазалык верч утларак азапланыман. Нине кечылаште сусырген кертме але хронический чер пӱсемме лӱдыкшӧ пеш кугу. Садланак утыждене неле пашам ыштыман огыл. Арнян кокымшо пелыштыже кугурак чытышан лийман.
Презе
Пашада чыла шотыштат воранен толеш. Тыгодым шагал палыме еҥ дене
нимогай у пашам тӱҥалман огыл. Вучыдымо сеҥымаш але пӧлек
оксагалтадам кӱжгемдаш йӧным пуа. Лишыл еҥ-влак у кӱкшытым налаш, шонымашке шуаш полшат.
Йыгыр
Шушаш арняште тендам мӧҥгысӧ сомыл авалта. Йолташ-влакын каҥашыштым колыштман. Кугу сатум налаш келшыше пагыт. Лишыл еҥда-влакын полышышт деч ида кораҥ, нуно порым гына тыланат. Сайын каналташ, вийым погаш кӱлеш.
Рак
У еҥ-влак дене палыме лияш, чонлан келшыше айдеме дене мутланаш, улшо нелылык гыч лекташ, бизнесым почаш пеш сай пагыт. Тыланда финанс полышым пуэн кертше поян еҥ-влак лектын кертыт.
Лев
Коммерций пашам шуктышо-влакын тиде арнян сомылышт ушнен толеш. Тиде
арнян еҥ-влак дене мутланыме годым поснак шекланыман, тыланда уда каҥашым пуэн кертыт.
™дыр
Вуйыштыда шочшо шонымаш ончыкылыкдам вашталтен сеҥа. Мутлан, вес паша верыш вончен кертыда але оксагалтада кӱжгемеш. Тыгак паша
верыште шӱмбелым вашлияш йӧн лектеш.
Виса
Ты пагытыште пиал тендан деке мелын савырна. Полышым йодшо еҥым
шӱкалман огыл, ончыкыжым суапле паша тыланда поро дене пӧртылеш. Тиде арнян у еҥ-влак дене вашлиймаш палемдалтын гын, тидым варалан кодаш огеш темлалт
Скорпион
Кӧргӧ чоншижмашдам утларак колыштман да шонен пыштымыдам илышыш
пурташ тыршыман. Тыгак у еҥ-влак дене палыме лийман, ончыкыжым нуно кӱлеш лийыт. А теве пелашда але шӱмбелда дене шургаш огеш кӱл. Келшымашке шуаш тыршыза.
Пикшызе
Шкет улшо пикшызе-влак вес пелыштым вашлийын кертыт. Тиде арнян кӧргыштыда нимат ида кучо, коллективыште але лишыл йолташ дене мутланыза. Тыгак ты пагытыште лишыл еҥ дене сырен кертыда, сандене чытышан лийза.
Ирказа
Пашаште да окса шотышто вашталтыш лиеш. Арня мучаште кумылда утларак
нӧлталтеш, тидыже усталык да йӧратыме сомыл дене кылдалтын.
Шкендам изирак пӧлек дене куандарыза.
Вўд йоктарыше
Тендам вучыдымо, но кӱлешан вашлиймаш вуча. Коллективыште але йолташ-влак коклаште пагалымаш пеҥгыдемеш. Шонымашдам шотыш налыт. Окса
шотышто шекланыза, азапыш логалын кертыда.
Кол
У пашам тӱҥалаш, еш дене жапым эртараш келшен толшо арня. Тазалыклан кугу тӱткышым ойырыман. Личный илышыштыда вашталтыш лийын кертеш. Тидын нерген тургыжланыман огыл, молан манаш гын тудо пиалым кондышаш.
