31 августышто Йошкар-Оласе Йоча да самырык-влакын усталык полатыштышт Йоча пагыт фестиваль эрта.
Тудо Российыште икшыве-влаклан ешартыш образованийым пуымо кугыжаныш системым ыштымылан 100 ий теммылан пєлеклалтеш. Пайремыш йоча-влак веле огыл, ача-аваштат ушнен кертыт.
Фестивальыште эн ончычак делегаций-влакын парадышт лиеш. Тылеч вара чумыргышо-влакым аниматор-шамыч куандараш тӱҥалыт. Кумылан-влак мастер-класслашке да флешмобыш ушнен кертыт. Ола воктенысе лагерьлаште пашам ыштыше вожатый-шамыч дене модмо ринг эрта. Пайрем жапыштак ешартыш образований кугыжаныш да муниципал образований организаций-влакын пашашт нерген презентацийым ончыктат.
Л.КАМАЛЕТДИНОВА.
