УВЕР ЙОГЫН

36 сравочым кучыктен

Марий Эл вуйлатыше Юрий Зайцев кодшо кечылаште тулык да ача-аван полышышт деч посна кодшо икшыве-влаклан 36 пачер деч сравочым кучыктен.

Кажне пачер илаш пураш ямде, сантехникым, газ плитам вераҥдыме.

Погынышо-влак ончылно ойлымыж годым Марий Эл вуйлатыше палемден: пытартыш 4 ий жапыште 983 еҥлан у пачер ойыралтын. 2025 ийыште чылаже 191 еҥлан у илыме верым пуаш палемдалтеш. Тидлан 570 миллион утла теҥге кучылталтеш.

– Пагалыме йолташ-влак, тендам эше ик гана саламлем! Ӱшанем, шке пачерлашкыда кӱчык жапыште илаш куснеда! – ойлен Юрий Зайцев сравочым кучыктымекше.

Медведево район вуйлатыше Денис Окуневын ойлымыж почеш, Шойбулак селаште кӱлшӧ чыла социальный инфрастуктур, предприятий-влак улыт. Нуно еҥ-влаклан паша верым темлен кертыт.

Марий Эл Республикым вуйлатышын пресс-службыжын уверже негызеш Любовь Камалетдинова ямдылен

Опубликовать в Одноклассники

Добавить комментарий