Шукыжо нунак кодыныт
Таче Марий Эл вуйлатыше республикын правительстве председательжын икымше алмаштышыже да алмаштышыже-влакым, министр-влакым назначитлыме нерген указым подписатлен.
Марий Эл правительстве председательын икымше алмаштышыже-влаклан Михаил Васютиным да Евгений Кузьминым шогалтыме.
Степан Воронцовым, Александр Сальниковым да Дмитрий Троицкийым Марий Эл правительстве председательын алмаштышыштлан назначитлыме.
Тӱвыра, савыктыш да калык-влакын пашашт шотышто министрлан Константин Ивановымак кодымо.
Транспорт да корно озанлык министрат тудак – Александр Герасименко.
Ялозанлык да продовольствий министр должностьыштат умбакыжат Андрей Кондратенко пашам ышташ тӱҥалеш.
Марий Элын кугыжаныш пого министрлан Алексей Плотниковым шогалтыме.
Тидын нерген указым Марий Эл вуйлатыше Юрий Зайцев 7 ноябрьыште подписатлен.
Л.Камалетдинова
