Таче Марий Эл тазалык аралтыш министрын должностьыштыжо Владимир Юрьевич ГЛАДНЕВ пашам ышташ тӱҥалын, увертарат республикын Тазалык аралтыш министерствыжын официальный сайтыштыже.
Владимир Юрьевич 1979 ий 22 июльышто Йошкар-Олаште шочын.
1999 ийыште Йошкар-Оласе медицине колледжым тунем лектын. 2005 ийыште Здравоохранений да социальный вияҥмаш шотышто федерал агентствын Санкт-Петербургысо И.И.Мечников лӱмеш кугыжаныш медицине академийжым «Медико-профилактический паша» специальность дене пытарен. 2006 ийыште тиде академийыштак «Эмлыме паша» специальностьым налын. Интернатурым Казань кугыжаныш медицине университетыште эртен.
Йошкар-Оласе 4-ше №-ан поликлиникын участкысе терапевтшылан ыштен. 2007-2013 ийлаште Росздравнадзорын Марий Элысе виктемжын фармацевт, медицине да калыклан социально полшымо пашам кугыжаныш велым эскерыме пӧлкан специалист-экспертше гыч Росздравнадзорын Марий Элысе территориальный органжын тазалык аралтыш аланыште контроль да надзор пӧлкажын тӱҥ специалист-экспертше марте кушкын. 2013-2022 ийлаште Росздравнадзорын Марий Элысе территориальный органжым вуйлатен. 2022 ий июль гыч 2025 ий февраль марте Чуваш Республикын тазалык аралтыш министржын алмаштышыжлан ыштен.
Россий Федераций президент пеленысе Ялозанлык да кугыжаныш службо россий академийым «Кугыжаныш виктем системыште вуйлатыше» программе дене тунем пытарен.
Тазалык аралтыш сферыште надзор шотышто федерал службо ден Россий Федераций Тазалык аралтыш министерствын чапкагазышт дене палемдалтын.
Маргарита ИВАНОВА
