Шорык
Тиде арнян пого дене кылдалтше паша сайын ушна. Кеч-мом ужаледа але налыда гынат, парыш лиеш. Варалан кодымо сомылым мучашлыман, утларак жапым еш дене эртарыман. Пашаште тыршымыдам аклат да кугурак должностьым темлен кертыт.
Презе
Икымше кечылаште у еҥ дене палыме лийыда да чондам йӧратымаш шижмаш авалта, очыни. Пашаште кеч-могай сомылым молгунамсе деч куштылгын ыштеда. Арнян кокымшо пелыштыже тазалыкым эскераш, сусыргымо деч шекланаш темлалтеш.
Йыгыр
Кызыт у пашам тӱҥалын кертыда. Шкем сай вуйлатыше семын ончыкташ келшыше жап. Ӱдырамаш-влак тиде арнян шке моторлыкышт да сымыстарен моштымышт дене пӧръеҥ-шамычын шинчашкышт молгунамсе деч чот логалаш тӱҥалыт.
Рак
Илышын чыла шӧрыныштыжат тендам ойыртемалтше жап вуча. Шке пӱрымашдам вашлийын кертыда. Южышт тудо огыл корно дене кайымыштым умылат, очыни. Икманаш, лач кызыт тыланда у илышлан тӱҥалтышым ышташ йӧн пуалтеш.
Лев
Тиде арнян сайын каналтыме да коллективыште мутланыме кугу пайдам конда. Нӧлталтше кумылда дене те кеч-кӧм куандарен кертыда. Аракам йӱмӧ годым шекланыман. Але марте ыштыме йоҥылышым тӧрлаташ келшыше жап толын шуын.
Ӱдыр
Тендам пашаште нелылык вуча. Поснак – пӧръеҥ-шамычым. Тиде амал дене тӱрлӧ сомыллан утыждене шуко жапым ойырыман огыл, уке гын тазалыкда лунчырга да черланен кертыда. Кӧлан чотак кӱлеш, тудлан полшаш тореш ида лий.
Виса
Уна-шамычым вашлияш, йолташ-влак дене ужын мутланаш келшыше жап шуын. Еҥ-влак тыланда кугурак тӱткышым ойыраш тӱҥалыт. Пашаште чолгалыкым да чулымлыкым ончыктеда гын, вуйлатышыда тидым аклыде огеш кодо.
Скорпион
Тиде арнян эн кугу да шукталт кертмыжлан ӱшанашат лийдыме ала-могай шонымашда илышыш пурталтеш. Тымарте тыршымыда да вучымыда лектышым пуат. Еҥ-шамыч дене палыме лияш, шуко мутланаш кумылан улмым ончыкташ уто огыл.
Пикшызе
Паша верым вашталтыме але вес тунемме заведенийыш куснымо нерген шонкаледа гын, тидым кызыт ышташ ик эн чот келшен толеш. Кӧ ик верыште кӱчык огыл жап тырша гын, тудын карьер тошкалтыш дене кӱзаш йӧнжӧ лиеш, очыни.
Ирказа
Кузе ойлат шӱдыр-влак, кызыт кече лачшымак тендан велыш гына онча. Тидыже теве кузе палдырна: ты пагытыште вий-куатда ден ӱнарда моткоч кугу лийыт. Интуицийда чот вияҥеш. Сандене тидын дене пайдаланен кодаш тыршыза.
Вӱд йоктарыше
Командировкыш каяш, совещанийыште лияш, чонлан келшыше у сомылым тӱҥалаш сай жап. Бизнес дене кылдалтше могай шонымашым илышыш пурташ тарванеда, тудо пайдале да лектышан лиеш. Неле йодыш-влакымат куштылгын рашемдеда.
Кол
Тыланда каналташ жап толын шуын. Еш але йолташ-шамыч дене пырля пӱртӱсыш лекташ темлалтеш. У вашлиймаш-влак сай лектышым пуат. Окса дене кылдалтше паша шийвундыдам ешара. Илышым вес семынрак ончаш тӱҥалыда.
Ӱпым пӱчкаш тарваненда гын
25 март. Тиде кечын ӱпым пӱчмылан кӧра чон гыч ласкалык йомеш. Ӱпым шемалге тӱсыш гына чиялташ темлалтеш.
26 март. Тачат ӱпым пӱчкаш келшыше кече огыл, молан манаш гын тылеч вара пашаште тӱрлӧ чарак вашлиялташ тӱҥал кертеш. Ӱпым ошалге ден шӧртнялге тӱсыш веле чиялташ келшен толеш.
27 март. Илышыште тӱрлӧ уда ынже лий манын, ӱпым лучо пӱчкаш огыл. Могай тӱс шкан ӱшаным ешараш да пиалым лишемдаш полшымыла чучеш, тугайыш гына чиялтыман.
28 март. Ӱпым пӱчмӧ илышым кужемда. Ӱпым натуральный чия дене чиялтеда гын, пашаште кугу кӱкшытыш шуыда.
29 март. Тиде кечынат ӱпым пӱчмӧ деч вара илышда кужемеш. Ӱп тӱсым натуральный чиям кучылтын вашталтеда гын, пашада ворана.
30 март. Таче ӱпым пӱчманат, чиялтыманат огыл, уке гын мом кузе ыштыме тыланда огеш келше.
31 март. Ӱпым пӱчкыда гын, эшеат моторын кояш тӱҥалыда, илышда утларак куандарыше лиеш. Ӱпым ошалге да шӧртнялге тӱсыш гына чиялташ темлалтеш.
Л.Камалетдинова
Авторын фотожо
