«Сеҥымаш диктантыш» ушно!
25 апрельыште Россий мучко «Сеҥымаш диктант» тӱнямбал акций эртаралтеш.
Элнан историйже дене шинчымашым очно да онлайн йӧн дене тергаш лиеш. Йошкар-Олаште очный площадке – С.Г.Чавайн лӱмеш Национальный книгагудо. Акцийыш онлайн ушнаш кумылан-влак тидым диктантпобеды.рф сайтыште (тидын деч ончыч регистрацийым эртыман) ыштен кертыт.
Чылаже 21 йодыш лиеш, нунылан вашешташ 45 минут пуалтеш. Йодыш тӱрлӧ: мутлан текстыш мутым пуртен шындаш, сарлан пӧлеклалтше поэмын авторжым але событийым пален налаш да молат. Южыжо Кугуг Отечественный сар нерген художественный фильм, монумент дене кылдалтын.
Акций 11.00 шагатлан тӱҥалеш.
Галина Кожевникова
Фотом Марий Эл Тӱвыра, савыктыш да калык-влакын пашашт шотышто министерствын сайтше гыч налме
