УВЕР ЙОГЫН

2018 ий – Волонтёрын идалыкше: Ик кӱкшытыштӧ, ик семын, иктӧр…

Республикысе онкологий диспансер «Российыште азам ыштен кертме сферыште онкологий черан ӱдырамаш-влаклан иктӧр консультант-влакын сетьыштым вияҥдымаш» проектыште участвоватла. Тудым Президент грант-влак фонд полшымо дене «Ӱдырамаш тазалык» поро кумыл программе илышыш пуртен. 

Проект Россий президент В.Путинын 2018 ийым Волонтёрын идалыкше семын увертарымылан вашмут семын аклалтеш. Тылеч посна РФ тазалыкым аралыме министрже В.Скворцова онкологий чер дене кучедалме пашам тазалыкым аралыме сферын 2018 ийысе ик эн кӱлешан, ончыл корныжо семын палемден.

Волонтёржо репродуктивный сферыште онкологий дене тӱкнышӧ илыш опытан, черын чыла йыжыҥыштыже эмлалтме, реабилитацийым эртыме психологический да социальный аспектше-влакым палыше  пациент-влак лийыт. Нуно черле-влаклан шучко чер дене умбакыже илаш полшаш тӱҥалыт.

Мартыште диспансерын медицине психологшо ден онкочерле-шамыч кокла гыч кок волонтёр проектын тунемме икымше йыжыҥжым эртеныт. Кокымшо йыжыҥ майыште мучашлалтеш: нине еҥак «Азам ыштен кертме системыште онкологий диагнозан ӱдырамаш-влаклан иктӧр консультант» теме дене 40 шагаташ курсым эртат да сертификатым налыт.

Июньышто онкодиспансерын радиотерапевтический корпусыштыжо (Йошкар-Ола, Пролетарский урем, 60-шо пӧрт) иктӧр (равный) консультацийым пуымо кабинетым почаш палемдыме.

Вара проектын презентацийже лиеш.

М.ИВАНОВА.

Опубликовать в Одноклассники

Добавить комментарий