27 июньышто Марий Элыш Россий президентын Юл кундем федерал округышто полномочный представительже Игорь Комаров паша дене толын. Тудын Волжск олаш миен коштмыж шотышто калыкын шонымашыжым лудаш темлена.
Альберт Рашидович Насыбуллин, Волжский электромеханический заводын генеральный директоржын алмаштышыже:
– Президентын полпредшын Волжскыш толын коштмыж годым олан кугу комбинатшылан кугу тӱткыш ойыралтын. Федеральный кучем экономикын, промышленный аланын кӱлешлыкыштым сайын умыла.
Промышленность – Волжскын брендше. Тиде мемнан историйна да кугешнымашна веле огыл, тыгак ола бюджетнан негызше. Мемнан чыла социальный проектна-влак бюджет дене кылдалтыныт. Промышленностьна лушкыдо лиеш гын, ме ны ветеран, ны йоча-шамычлан полшен огына керт, ны образованийым, ны медициным вияҥден огына сеҥе. Чылажат икте-весе дене чак кылдалтын. Виян экономикан кугыжаныш гына калыклан сай илышым пуэн кертеш.
А социальный аланыште ончыко наҥгайыше ешартыш рычаг семын национальный проект-влак лийыт. Социальный аланым вияҥдаш, волжан-шамычын да кугу Российын моло гражданже-влакын илышыштым саемдаш йӧршын у йӧн-влак пуалтыт.
М.ИВАНОВА
