Йошкар-Оласе перинатальный рӱдерыште кодшо арнян азам ыштымышт годым кок ӱдырамаш коленыт.
Туткар-влак почела лийыныт. Икымше ӱдырамаш 31 мартыште колен гын, кокымшыжо — 1 апрельыште.
Кызыт нине факт шотышто перинатальный рӱдерыште тергымаш кая. Ик ӱдырамашыж дене мо да кузе лиймым рашемдаш манын, следствий деч ончычсо судебно-медицинский экспертизе эртаралтеш.
Мут толмашеш: Йошкар-Оласе перинатальный рӱдерым 3 апрель гыч республикын ончычсо здравоохранений министрже Владимир Шишкин вуйлата.
Л.Камалетдинова.