Марий Элыште 2026 ийыште тӱзатышаш объект-влакым йӱклымаш умбакыже шуйна. Кызыт республикыште 47 тӱжем утла еҥ шке йӱкшым пуэн.
Тӱзатышаш кумдык верч шке йӱкым 14 ийым темыше кажне еҥ 12 июнь марте zagorodsreda.gosuslugi.ru сайтыште Госуслуго платформо гоч пуэн кертеш. Йӱклымаш «Илышлан кӱлешан инфраструктур» нацпроектын «Оласе кумдыкым йӧнаным ыштымаш» федеральный проектше дене келшышын эртаралтеш.
✍️Йӱклымаште эн шуко йӱкым погышо-влак:
✅Йошкар-Ола — Строитель уремыште йолешкылан коштмо кумдык, 3-шо №-ан пӧрт гыч Прохоров урем марте ( 5 895 еҥ),
✅Медведево — 2-шо №-ан школ воктенсе стадионын кумдыкшо (2 184 еҥ),
✅Волжск — Вавилов уремыште йоча поликлинике ваштареш тротуар ден парковкым тӱзатымаш (1 281 еҥ),
✅Звенигово — Ленин уремыште 53-шо №-ан шуко пачеран пӧрт воктене мер кумдыкым тӱзатымаш (1 472 еҥ ),
✅Козьмодемьянск — набережныйым тӱзатымаш (1 480 еҥ).
