Марий Элыш федеральный бюджет гыч Кугу Отечественный сарын участникше ден ветеранже, тушто колышо участник ден инвалид-влакын еш членыштлан илыме верым налаш ойыралтше окса пурен.
48 миллионат 100 тӱжем теҥге сарын 41 ветеранжылан илыме верым налаш ситышаш. Республикысе минсоцразвитийже субсидийым налшаш еҥ-влакын спискыштым ышташ тӱҥалын. Кызыт тиде радамыште 2910 еҥ шотлалтеш. Тений 1 январьлан 2866 ветеран илыме верым налын. Тышеч 36 еҥже – ӱмаште.
2017 ийыште икымше кварталыште субсидийын кугытшо – 1 172 052 теҥге.
Л.Камалетдинова.