17 август. Таче ӱпым пӱчман огыл – пиал кораҥын кертеш. Чиялташ але уке – шке паледа.
18 август. Тиде кечын парикмахерскийыш каяш огеш темлалт — ӱпым пӱчмӧ дене илышда кӱчыкем кертеш. Чиялтыманат огыл.
19 август. Вийым йомдараш огыл манын, ӱпым пӱчкаш огеш темлалт. Чиялташат келшыше кече огыл.
20 август. Ӱпым пӱчкыда гын, иктаж чер пижын кертеш. Чиялтеда гын, оксада ешаралтеш.
21 август. Ӱпым пӱчмылан кӧра воктеныда улшо еҥ-влак дене умылыдымаш лектын кертеш. Чиялтеда гын, окса толаш тӱҥалеш.
22 август. Тиде кечын ӱпым пӱчкыда гын, тазалыкда лунчырген кертеш. У тӱсыш чиялтыме еҥ-влак дене ик ойыш куштылгын шуаш полша.
23 август. Таче ӱпым пӱчман огыл, уке гын психикыда пужла. Оксада ешаралтше манын шонеда гын, натуральный гай койшо тӱсыш чиялтыза.
Л.КАМАЛЕТДИНОВА
