«Ӱдырсий» регион-влак кокласе моторлык да ушакыл конкурс тений онлайн йӧн дене эрта.
18-25 ияш ӱдыр-влакым ты конкурсышто шке усталыкыштым терген ончыш ӱжына. Тидлан икмыняр видеом ямдыламан: «Мый – марий ӱдыр улам!» шкендан дене палдарыше пашам, шке райодан (региондан) ойыртемалтше пайрем йӱлажым, «Этномодалан» марий тувырын сылнылыкшым почын пуышо дефилем.
Мероприятий нерген кумданрак Марий тӱвыра рӱдерын офицал сайтыштыже лудаш темлена. Йодмашым 27 октябрь марте ты тӧнежын электрон почтышкыжо (mari-centr@mail. ru) колтыман.
О.МОШКИНА
