24-28 январьыште Тюмень олаште универсальный общероссийский ярмиҥга эртен.Тушко Марий Эл Республик гыч «Яндар» ООО компаний экологий велым яндар «Иван-чай» чай напитке продукцийжым намиен.
Ярмиҥган кок тӱжем утла квадрат метр кумдыкыштыжо Российысе регионла гыч кондымо шуко тӱрлӧ кочкыш ден кочкыш огыл сату лийын. Тушко 20 тӱжем утла еҥ миен, «Яндар» ООО-н кугезе руш технологий почеш ямдылыме вуйдеҥге негызан 35 тӱрлӧ чай напиткыж дене палыме лийын.
М.ИВАНОВА.
