2018 ийыште республикнан медицине организацийже-влак Россий Федераций правительствын резерв фондшо кӱшеш 49,2 млн. теҥгеш куснылшо ныл медицине комплексым налыныт.
Октябрьыште цифровой флюорографан да рентген маммограф аппаратан куснылшо медицине комплексым Козьмодемьянск межрайонный больнице налын. Врач-влак тудын дене Юрино посёлкыш, Юрино ден Курыкмарий районлашке калыкын тазалыкшым тергаш график почеш кудалыштыт. 2019 ийын икымше кварталыштыже 30 гана лектыныт, куснылшо маммограф полшымо дене 967 ӱдырамашым тергеныт, флюорографыште – 1170 еҥым. Кокла шот дене кечыште 71 шымлымашым эртарат.
Кодшо идалык мучаште цифровой флюорографан куснылшо флюорографий кабинетым Волжск оласе рӱдӧ эмлымвер, Звенигово ден Шернур районласе рӱдӧ больнице-влак налыныт. Тений икымше кварталыште Волжск оласе больницын врачше-влак калык деке кандаш гана лектыныт да 1200 еҥын тазалыкшым тергеныт. Звенигово районысо рӱдӧ эмлымверын врачше-влак тора яллашке 25 гана лектыныт да 2259 еҥым шымленыт. Шернур районысо рӱдӧ эмлымверын специалистше-шамыч калык деке 9 апрель лекташ тӱҥалыныт да тымарте 851 еҥым тергеныт.
М.ИВАНОВА
