ТАЗАЛЫК

«Маска лук» ӧрдыжеш ок код

2021 ийыште Марий Элыште «Ялысе доктор» да «Ялысе фельдшер» программе-влак почеш 29 медицине пашаеҥ дене ойпидышым ышташ да тидлан 35 млн. 750 тӱжем теҥгем кучылташ палемдыме.
Ялышке 21 врач ден 8 фельдшер пашам ышташ каят, тышечын 25 медикше – калык манмыла, «маска лукыш». Тыгай статусым районысо рӱдӧ але район-влак кокласе больнице деч лучко да тылеч утларак километр тораште верланыше илем-влаклан пуат. Эшеже тушко пеҥгыде корно укелан, тыгак чыла тӱрлӧ транспортлан кудал эрташ чарак улмылан кӧра автобус (тӱшка транспорт) огеш кошт.
Ӱмаште «Ялысе доктор» да «Ялысе фельдшер» программе-шамыч почеш 42 медицине пашаеҥ дене ойпидышым ыштыме. Нунылан компенсаций шотан выплатым тӱлашлан 41 млн. 750 тӱжем теҥгем кучылтмо.
Ял шотан илемлашке 20 медик (9 врач ден 11 фельдшер) каен, ты чот гыч 7 врач ден 8 фельдшер – «маска лукыш», ола шотан посёлкылашке – 21 врач, 50 тӱжем марте еҥан олашке – 1 врач.

М.ИВАНОВА

Опубликовать в Одноклассники

Добавить комментарий