УВЕР ЙОГЫН

Ялыште парк лиеш

Параньга районысо Яҥгетсола ялысе тӱвыра пӧрт шеҥгелне парк лийшаш.

Тиде шонымашым илышыш пурташ манын тӱвыра рӱдер вуйлатыше Эльвира Захарова верысе калыкымат «ылыжтен». Сандене ик сай кечын пашам тӱшкан ворандарен колтеныт. Ялым тӱзаташ шонышо-влак пеленышт шындышаш кушкылжымат конденыт. Мутлан, Матародо ял шотан илем вуйлатыше Надир Хадиуллин эсогыл икмыняр изи вишньым конден.

Икмыняр ий гыч яра кийыше мланде олмышто сылне парк лийын шушаш, вет тудым шындыше-влак Марий Элын 100 ияш, а Параньга районын 90 ияш лӱмгечыштлан пӧлекленыт. Шке ялым шке тӱзатет гын веле тудо сылнештеш

С.НОСОВА

Опубликовать в Одноклассники

Добавить комментарий